AECC Gipuzkoak irundarrak animatu nahi ditu ekainaren 5ean (larunbata) egingo den diru bilketan parte hartzera. Elkarteko boluntarioak Irungo kaleetan izango dira, minbiziak jotako gaixoei eta haien senideei doako zerbitzuak eskaintzen jarraitu ahal izateko.
Gipuzkoako Minbiziaren Aurkako Elkartearen arabera, ez dago berdintasunik minbiziari aurre egiteko orduan beraz, gaixotasuna berdina da guztientzat, baina pertsona guztiak ez dira berdinak minbiziaren aurrean. Horregatik, AECC Gipuzkoak minbiziaren aurkako akordio bat eskatzen jarraitzen du, pertsona
guztiek gaixotasunari aurre egiteko aukera berdinak izan ditzaten. Prebentziotik, gizartetik eta ikerketatik abiatuta, edozein dela ere bizilekua, egoera ekonomikoa edo gizarte egoera.
Bidasoako elkarteak 1.542 bazkide ditu eskualdean. 2020an, Gipuzkoako AECCk 126 pertsonari eman zion laguntza: 78 gaixoei eta 48 senideei. Laguntza psikologikoko 607 saio eta izaera sozialeko 654 esku hartze egin ziren. Ortopediako materialaren 71 mailegu ere egin ziren. Doako zerbitzu horiek
elkarteak jasotzen dituen dohaintzei esker eskaini ahal izan ziren. Hori dela eta, larunbateko diru bilketan parte hartzeak aukera emango dio Gipuzkoako AECCri gaixo onkologikoei eta haien senideei laguntzen jarraitzeko.
Ekimena goizez izango da, hiriko 6 puntutan eta 50 boluntario inguruk hartuko dute parte. Mahaiak San Miguel auzoan, Ensanche plazan, Kolon pasealekuan, Fermin Calbeton kalean, Urdanibia plazan eta Mendibil merkataritza-gunean (Iparralde etorbideko sarbidean) jarriko dira.
Aurreko urtean ezarritako covid-aren aurkako protokoloekin jarraituz, boluntarioek ez diete ohiko pegatinarik emango itsulapikoan dohaintzak egiten dituztenei. Gaur egungo pandemia egoera dela eta, beharrezkoak diren segurtasun eta higiene neurriak errespetatuko dira. Gainera, itsulapiko guztiek QR kode bat izango dute ekarpenak egiteko dona.aecc.es webgunera zuzenean sartzeko. Hiriko kaleetan banatzen diren kartelek ere kode hori izango dute dohaintza edozein egunetan, larunbatez gain, egin ahal izateko AECC Gipuzkoak eskerrak eman nahi dizkie gurekin lankidetzan aritu diren erakundeei larunbat honetako diru bilketa burutu ahal izateko, hala nola Goyeneche Fundazioa, Mendibil Merkataritza Zentroa eta Irungo Udala.
