Urriaren 6an, igandea, AP-8ko Irun Bentak ordainlekuko markesina zaharra eraitsiko da, Bidegik egin dituen ordainlekuaren birgaitze integraleko lanen ondoren. Hori dela eta, Txingudiko biribilgunetik Behobiarako noranzkoan dagoen ordainlekurako sarbidea eta AP-8an Bilborako noranzkoan dagoen 7. irteera itxita egongo dira 07:00etatik 20:00etara.
Alternatiba gisa, Behobia-Baionarako noranzkoan doazen erabiltzaileek GI-636 eta N-121-A errepideak erabili beharko dituzte Zaisaraino, eta Behobiako lotunetik sartu beharko dute autobidera. Bilbo noranzkoan, aireportura edo Hondarribira doazen trafikoek 0 irteera erabil dezakete, eta alderantzizko ibilbidea egin.
Ordainleku birgaitua prest dago TAG gailu bateragarriak irakurtzeko, hala nola Via-T edo Abiatu, ibilgailuei abiadura murriztuz baina gelditu gabe igarotzen uzten dietenak. Ordaintzeko, telefono mugikorrak, erloju adimendunak, banku-txartelak edo eskudirua ere erabil daitezke.
