Kabigorri Bidasoko Ateneoak Maddi Urtxegiren erakusketa hartuko du. Azaroaren 30etik urtarrilaren 6ra artista irundarraren lanak ikusgai egongo dira.
Maddi Urtxegik 24 urte ditu eta iaz Bilboko Arte Ederren unibertsitatean graduatu zen. Geroztik, marrazkiaren eta ilustrazio digitalaren munduan murgildu da. Gehienbat erretratuekin lan egiten du, pertsona bakoitzaren berezko esentzia irudikatuz eta ilustrazioaren bidez honekin jolastuz. Horretaz gain, bodegoi bat edo beste aurki daiteke bere lanen artean, izan ere, erakusketa hau bere azken urteko ibilbidearen eguneroko bisual baten modukoa baita. Artistak adierazi duenez, “ondorioz, espero dut zuek erakusketa honetaz gozatzea nik prestatzerakoan gozatu nuen beste”.
