Maiatzaren 20an eta 27an ospatu ziren Amaia Kultur Zentroan 2013-2014 ikasturteko Bertso Jaialdien bi saioak. El Pilar eta Elatzeta ikaste-txeetako ikasleak aritu ziren bertsotan lehenengo txandan, egitasmoaren barruan egindako lana jendaurrean aurkezteko. Taldeka aurretik landutako gai baten inguruko bertsoak eman zituzten, guztiek umorea ardatz zutela. Halaxe, El Pilarreko gela bateko lagunek VIP diskoteka baten ingurukoak kantatu zituzten, eta Elatzeko beste batek Aquapark bateko gorabeherak izan zituen kantugai. Antzokia bertsoz eta txaloz bete zen.
Hurrengo astean, maiatzaren 27an bigarren bertso jaialdia burutu zen, Dunboa, Belaskoenea eta Eguzkitzako ikasleekin. Guztira 350 ikasle inguru aritu dira bertsotan.
Proiektua aurrera eraman ahal izateko, Irungo Udaleko Euskara Arloa eta Gipuzkoako Bertsozale Elkartea aritu dira elkarlanean.
EL PILAR
VIP DISKOTEKA
(Bezeroak)
Diskoteka VIP-ean
parranda daukat nik
hemen gauden guztiak
ez gara VIP
nire makilatzaile
non zauden ez dakit
begitatik rimelak
niri alde egin dit
(Atezainak)
Jende normala ez
dugu batere gustoko
ta famatuak ere
ez dira sartuko
dirua behar duzue
honera etortzeko
sobornatzen ez nauna
ez da pasatuko
DJ-ak
Jendeak dantzatzen du
gurekin batera
ez baduzu dantzatzen
kanpora atera
musika aparatua
bikaina gainera
orduro guk botatzen
dugu zakarrera
ELATZETA
ABERATSEN AQUAPARK-A
Aberatsek ez dute
Itxaroten filan
Kabiarra sartzen dute
Patata-tortilan
Ferrariek daukate
Masajea sillan
Txekeekin ordaintzen
dute leihatilan
(Soroseak)
Hamaiketan irteten
Gara gu etxetik
Gu distraitzen gara
Telebistagatik
Norbait itotzen ari
bada piszinatik
gu ez gara bustitzen,
bezeroengatik.
(Tabernariak)
Guk hementxe daukagu
Udako kanpaina
Kartera ez dugu guk
Izaten liraina
Gure taberna denez
Ona ta bikaina
Hemen soilik zerbitzen
diegu txanpaina
