Asteburu honetan Ficoban egin den Bioterra azokaren 19. edizioaren zenbakiek prest utzi dute 2023an Euskadiko produktu ekologikoen, bioeraikuntzaren, energia berriztagarrien eta kontsumo arduratsuaren hogeigarren edizioa arrakastatsua izan dadin.
10.000 pertsona inguruk bisitatu dituzte 116 enpresa erakusketarien standak, eta 50 jarduera baino gehiagotan parte hartu dute, hiru azoka egunetan egindako hitzaldi, tailer, erakustaldi, showcooking eta abarren artean.
Bisitari gehien Gipuzkoan izan dira ( % 81 inguru), ondoren Iparraldean ( % 8) eta Nafarroan ( % 5). Jende gehien bildu duten Gipuzkoako eskualdeak Bidasoaldea ( % 43,3) eta Donostialdea ( % 40,77) izan dira, ondoren Tolosaldea ( % 10,08).
Maialen Gaztañaga azokako zuzendariak esan duen bezala, “beste edizio bat gehiago, eta dagoeneko 19 dira, Bioterrak aho zapore handia utzi du. Giro aparta egon da azokako hiru egunetan. Bisitariak enpresa erakusketarien standetan, pertsonak jarduera guztietan parte hartzen. Eta ginga jartzeko, denborak errespetatu egin gaitu, eta aire zabaleko jarduerak, bai Bioterraza, bai Yoga Day, baldintzarik onenetan ospatu ahal izan dira. Beraz, bibrazio on hauekin, edizio oso berezi batean lanean hasiko gara: Bioterraren hogeigarren edizioa”.
19 urteko ibilbide honetan, Bioterrak bere helburuak lortu ditu eta Estatuko iparraldeko eta Frantziako hegoaldeko erreferentziazko azoka ekologiko bihurtu da, urte hauetan azokara joan diren 2.000 enpresa erakusketari baino gehiagoren kalitateari esker, azokara bisitatu duten 174.000 pertsona baino gehiagori esker eta erakusketa bera bezain garrantzitsua den dibulgazio-bokazioari esker.
Horregatik guztiagatik, gaur egun Bioterra hitzordu sendoa da, sektorean prestigioa duena, erakusketarien beharrei erantzuteko gai dena, tratamendu profesionala bilatzen baitute, baita bisitariei ere, egunetik egunera gero eta informazio gehiago eta hobea ematen zaielako eta iraunkortasunaren arloan ezagutza handiagoak dituztelako.
