Irun baserritar giroz jantzi zen San Tomas eguna ospatzeko. Abenduaren 21ean jende asko hurbildu zen Urdanibia plazako azokako postuak ikustera. Eguraldi eguzkitsuak txistorra pintxoak, taloak eta sagardoa kontsumitzera gonbidatzen zuen.
Eguerdi aldera euria jaia zapuzteko mehatxuarekin iritsi bazen ere, hiriko dantza eta musika taldeek beren emanaldia eskaini zuten. Festa Burrunba elektrotxarangaren erritmoan amaitu zen.
