Ficobak asteburu honetan hartuko du Ficoauto, Gipuzkoako Bigarren Eskuko Ibilgailu Azokaren edizio berria. Azoka gunean automobilaren eskaintza onenak bilduko dira, erosi eta saltzeko talde nagusien eta inguruko kontzesionarioen parte hartzearekin. Erakusketa honek aukera ematen du bigarren eskuko merkatuak eskaintzen dituen aukerak toki bakarrean eta bisita bakar batean ikusteko. Horrek Ficoauto ezinbesteko hitzordu bihurtzen da ibilgailua aldatu nahi dutenentzat.
Aurten, hiru pabiloietan eta kanpoaldeko gunean, 30 marka baino gehiago egongo dira ordezkatuta; eta orain arte Ficoauton ikusgarritasunik ez zuten etxeak ere gehituko dira, hala nola Subaru eta MG, baita merkatura berriki iritsi diren beste batzuk ere, esaterako, Ebro, Jaecoo, Leapmotor edo KGM.
Erakutsiko den ibilgailu aniztasun zabalaren artean, txikiak diren utilitarioak zein SUV modernoenak, baita sedanak, monobolumenak eta furgonetak ere ikusgai egongo dira bertan. Bigarren eskuko, erdi berri, renting bidezko edo enpresa kudeaketako ibilgailuak ere izango dira ordezkatuta.
Erakusketa zabal honek bigarren eskuko ibilgailuen salmentak azken urteetan gorantz egin duela erakusten du, ibilgailu berriek eskaintzen ezin duten berehalakotasuna eskaintzen baitute erabilitako autoek. Ficoautok bezalako azokak sektorearen aniztasuna, eskaintza onak eta profesionaltasuna erakusten ditu, bigarren eskuko ibilgailua eskuratzeko finantzaketa aukera onak eskainiz.
Berrikuntzak: Ekodrive Galeria
Aurten ere pabiloietarako sarrerako galerian elektrifikatuta dauden ibilgailuen erakusketa bat jarriko da, elektriko eta hibridoen parkearen goranzko joerari erantzuteko, horiek ere gero eta garrantzitsuagoak baitira bigarren eskuko ibilgailuen artean.
Azken batean, ibilgailu elektrifikatua edo erregai bidezkoa erosteko aukera izanda, Ficoauto aukera paregabea eta eskualdeko merkatua bisita bakar batean ezagutzeko ezinbesteko hitzordua da.
Ficobako azoka guneak aparkaleku zabala dauka, urtero azoka honek jasotzen dituen bisitak eroso hartzeko gai dena. Euskotren Topoz ere irits daiteke Donostialdetik edo trenez. Erakusketa ordutegia hauxe izango da: ostiralean 16:00etatik 20:00etara, larunbatean 10:00etatik 20:00etara, eta igandean 10:00etatik 19:00etara, etenik gabe.
Markak
Hauek izango dira azokan parte hartuko duten markak:
MG, EBRO, JAECOO, Leapmotor, Subaru, KGM, Mercedes, Lexus, Toyota, Opel, DS, Citroen, Ligier, Renault, Dacia, Alpine, Nissan, Hyundai, Ford, Mazda, Land Rover, Jaguar, Maxus, Mitsubishi, Subaru, Skoda, Peugeot, KIA, Abarth, Fiat, Alfa Romeo eta JEEP.
