Aste ederrak pasatu eta gero, lehengo astean eman genien amaiera 2022ko Solas Jolas udalekuei. Bikaina joan da uda, eta eskerrak eman nahi dizkiegu aurtengo edizioan parte hartu duten haur, familia eta monitore guztiei.
Bestalde, ohar bat dugu familientzat: haurrek elkargunetan ahaztuta utzitako arropa Euskara Arloko bulegoetan (Foru kalea 2, 4. solairua) gordeko da irailaren 30era bitartean. Handik pasatu eta arropa jasotzeko aukera egongo da astelehenetik ostiralera, 08:30etik 14:00etara bitartean.
