Bidasoa kirol klubak jakinarazi duenez, Iñaki Peciña jokalariarekin akordioa lortu dute, eta piboteak Irudek Bidasoa Irun taldean jokatuko du hurrengo bi urteetan. Bidasoa kirol klubean harrobian hazitako jokalaria da, harrobiko jokalari gazte guztientzat erreferentea eta klubarentzat benetako balioa.
Klubetik azaldu dutenez, Peciñaren etorrera ez da edozein fitxaketa bat. Gurutz Aginagaldek azaldu duenez, “Iñakirekin ibilbide sendoa duen jokalari bat irabazten dugu, nazioarteko esperientzia zabala duena eta Frantziako ligan, munduko gogorrenetarikoan, gogotik lehiatua”. Klubeko presidenteak adierazi duenez, bere iritsierak maila gorakada ekarriko dio taldeari, esperientzia, izaera eta berehalako errendimendua eskainiz kantxan. “Iñaki Peciñaren itzulera berria poz handiz hartu dugu. Ez da soilik lehen mailako kirol-indartze bat, baizik eta gure harrobian hazitako jokalari baten itzulera, gure klubaren baloreak ongi ordezkatzen dituen jokalariarena”, amaitu du Gurutz Aguinagalde presidenteak.
Peciña etxera itzultzen da, eta bere fitxaketa etorkizunerako apostu bat ere bada. Jokalari ibilbidea amaitzean, Bidasoa Kirol Elkarteko proiektuan integratzea da klubaren helburua, bere lotura luzatuz. “Kirol aldetik, kalitate jauzi bat da berehalakoa. Nazioarteko pibot bati buruz ari gara, goi mailan esperientzia handia duena, Frantziako liga zorrotzean trebatu eta ibilbide bikaina egina duena: nabarmentzekoa da 2022ko Hungaria eta Eslovakiako Europako Txapelketako zilarra eta 2023ko Suedia eta Poloniako Munduko Txapelketako brontzea. Gure asmoa ez da soilik bera kantxan izatea, baizik eta bere etorkizuneko trantsizioa prestatzea klubeko proiektuaren barruan, jokalari ibilbidea amaitzean beste funtzio batean ekarpena egiten jarrai dezan. Aldi berean, apustu estrategikoa ere bada. Gure asmoa ez da soilik bera kantxan izatea, baizik eta bere etorkizuneko trantsizioa prestatzea klubeko proiektuaren barruan, jokalari ibilbidea amaitzean beste funtzio batean ekarpena egiten jarrai dezan”, azaldu zuen Wambak.
Era berean, Wambak nabarmendu du Iruneko jokalariaren garrantzia klubeko gazteentzat eredugarri gisa. “Gure harrobian hezia, Iñaki Peciñak gure izatearen esentzia ordezkatzen du. Klubaren balioa da, gure beheko mailatan hazten diren jokalari guztientzat eredua”.
Iñaki Peciña pozik etxera itzultzearekin
Bere aldetik, Iñaki Peciña pozik agertu da etxera itzultzeagatik.“Eskerrak eman nahi dizkiet zuzendaritzari, Juleni, Gurutzi eta Gorkari, hasieratik erakutsitako interesagatik, bai kirol arloan bai gizatasunez, eta publikoki eskertu nahi diet. Kirol mailan, ez da inolako esfortzurik hona etortzea. Itzultzeko aukera sortu zenean, ez nuen zalantza handirik izan; erabaki erraza izan da.”
Gainera, Peciñak azaldu du zer ekarpen egingo duen kirol arloan: “Nire nahia da lehen egunetik lehiatu eta errendimendua ematea; taldea denboraldi bikaina egiten ari da, eta espero dut hurrengo urtean ere horrela jarraitzea. Nire energia guztiak datorren denboraldian jokatzera eta lehiatzera bideratu nahi ditut. IRUDEK Bidasoa Irun Espainian eta Europan erreferente den talde bat da, eta aurtengo Europako lehiaketan erakutsi dute maila. Nik esperientzia, joko maila eta, ahal dudan heinean, neure onena emango dut.”
Bidasoa kirol klubak eskerrak eman nahi dizkio Iñakiri Irunera itzultzeko egindako esfortzuagatik, bereziki kontuan izanda beste klub garrantzitsuen eskaintzak zituela. Bere konpromisoa eta itzultzeko nahia gure historiaren eta balioen isla dira. Hala adierazi du Gurutz Aginagaldek: “Bihotzez eskertu nahi diogu bueltatzeko egin duen ahalegina, jakinik mahai gainean eskaintza oso garrantzitsuak zituela. Bidasoarekin duen konpromisoa, gure historiarekin eta zalego honekin, ukaezina da. Kirol arloan goi mailako indartzea da”.
