Irungo Udalak eta Telpark enpresak indarrak batu dituzte berriro hirian aparkatzea erraztuz erosketak laguntzeko. Horretarako, irailaren 8tik 30era enpresa honek Colón pasealekuan, Mendibileko eta San Juan plazako aparkalekuetan aparkatzea merkeagoa izango da. Hain zuzen ere, “Multipass” bonuari esker, 12 orduz aparkatu ahal izango baita instalazio horietan, 1,99 euroren truke.
Udaleko Hiria Bultzatzeko eta Ekonomia Sustatzeko arloak jakinarazi duenez, abonuaren helburua da 2025eko irailaren 8tik 30era bitartean herritarrei hiriko erdigunean aparkatzeko aukera ematea, tarifa berezi batekin, tokiko merkataritza sustatzeko, eta aparkalekua horretarako arazo izan ez dadin. Azkenean, ahalik eta gehien erraztu nahi da, bai egoiliarrei bai bisitariei, Irungo merkataritza gunerako sarbidea, baita aparkalekua bilatzean sortutako kutsadura murrizten lagundu ere.
Aparkaleku horien erabiltzaileek 12 orduz aparkatu ahal izango dute, 1,99 euroan, ordu tarterik eta egun murrizketarik gabe, hau da, ohiko tarifarekiko % 70 aurreztuta. “Multipass” bonuak Telparkeko aplikazioaren beraren bidez erosi ahal izango dira, 3 modalitaterekin: 5,10 eta 20 pase.
2024az geroztik
Udalak, 2024ko irailean eta 2025eko urtarrilean abiatutako kanpainei jarraipena eman nahian, beste behin ere ekimenak Irungo herritarren eta bisitarien artean oihartzun handia izatea bilatzen du, eta, gainera, udalerrian salmentak eta bisitak handitzea, hiri erdian aparkatzea errazteari esker. Nabarmentzekoa da aurreko kanpainan, aurtengo urtarrilean abiarazitakoan, Irunen 1.100 pack baino gehiago saldu zirela.
Era berean, Udalak ildo horretan lan egiten jarraituko duela adierazi du, etorkizunean Telpark enpresarekin indarrak batzen jarraitu ahal izateko, ostalaritzari eta tokiko merkataritzari laguntzen jarraitzeko.
