Lanak goizean hasiko dira eta arratsaldean amaituko direla aurreikusten da, segurtasuna bermatzeko eremua balizatuz
Irungo Udaleko Obra, Mantentze eta Azpiegitura arloak jakinarazi du bihar, maiatzak 19, Nagore Laffage haur-parkea itxi egingo dela. Itxiera honen arrazoia gune horretan dauden pergolak garbitzeko lanak egitea da.
Garbiketa-lanak iraun bitartean, jolas-eremua erabat balizatuta egongo da erabiltzaileen eta haurren segurtasuna uneoro bermatzeko. Aurreikuspenen arabera, lanak goizean goiz hasiko dira eta arratsaldean amaituko dira, hain zuzen ere ikasleak ikastetxeetatik irten baino lehen, parkearen erabilera normala eta eguneroko dinamika ahalik eta gutkien oztopatzeko.
