Irungo Udaleko Kultura arloak antolatuta, ostegun honetan, maiatzaren 25ean, Susana de la Rubiak Sri Lankan barrena egin zuen bidaia aurkeztuko du, “Zure abenturaren bila” programaren barruan. 19:30etan izango da, Irungo Amaia KZn. “En Tuk-Tuk por Sri Lanka” izenburupean, gonbidatuak Sri Lankan barrena bere alaba Anarekin batera egin zuen bidaiako abenturak eta desbenturak azalduko ditu.
Hitzordua gaztelaniaz egingo da, eta aurkezpena eta saio-amaierako solasaldia ere egingo dira. Sarrera libre izango da, aretoa bete arte.
«Zure abenturaren bila» Bidaia-programa bat da, eta bertan, gonbidatuak bere bizipenak, esperientziak eta, azken batean, bidaiatzeko grina kontatzen ditu, egin duen abenturaren irudiez lagunduta. Askotariko esperientziak aurkeztu dira: Antartikako espedizioak, munduko mendi garai eta zailenetara joatekoak, eta baita askoz gertuago dauden lekuen proiekzioak ere.
