2024ko azken jardunaldia etxetik urrun jokatuko dute Txingudi Errugbi Klubeko taldeek asteburu honetan. Biok Txingudik Getxon hasiko du Emakumezkoen lehenengo maila Neskak Loratzen taldearen aurka 15:00etan lan txukuna egiteko gogoekin. Zaisa Txingudik, aldiz, Igorrera joango da Arratiko Zekorren aurka indarrak neurtzeko 16:00etatik aurrera. Aspaldiko ezagunak dira taldeak eta irabaztea puntuak lortzea baino gehiago esan nahi du.
Harrobi osoak ere partidak izango ditu
Gabiria Txingudi/Bera Bera/Baztan 18 urtez azpikoek ere urrun arituko da larunbatean, Logroñon jokatzea tokatu baizaio, larunbatean ere, 13:30etatik aurrera. Txingudi/Baztan 16 urtez azpikoak, seniorren antzera, Bizkaian izango du jardunaldia, Durango jokatuko baitu larunbatean 12:00etatik aurrera.
Etxean jokatuko duen talde bakarra Txingudi/Baztan/Orereta 14 urte azpikoa da, Plaiaundin jasoko baitu Zarautz/Beltzak larunbatean 10:30etan.
Azkenik, eskolako taldeak, 10 urtez azpikoak eta 12 urtez azpikoak, Donostian izango dute topaketa igandean 10:30etatik aurrera.
