Irungo Udalak herritar guztiei jakinarazten die hasia dela Irungo Udalaren marrazketa eta pintura akademiako eta zeramika tailerreko udako ikastaroetan matrikulatzeko epea. Interesdunek ekainaren 7ra arteko epea dute izena emateko Udalaren webgunean
Hona hemen Udalaren marrazki eta pintura akademiaren eta zeramika tailerraren ikastaroen eskaintza osoa:
Ikastaroak
Irungo Udalaren marrazketa eta pintura akademiak hiru ikastaro eskainiko ditu aurtengo udarako. Ikastaro bakoitzak 16 ordu iraungo ditu, bi orduko zortzi saiotan banatuta. Taldea osatzeko bost lagun behar dira, eta gehienez ere hamar onartuko dira. Ez da aurretiazko esperientziarik behar, maila guztietako jendeak eman dezake izena.
Informazioa: HAZen, Kultura arloan pinturamargoa@irun.org emailean edo 606220417 – 695752994 telefonoetan.
Izena emateko: maiatzaren 24tik ekainaren 7ra bitarte Udalaren webgunean.
Prezioa: 86,15
Egutegia:
- Lehen hamabostaldia: Astelehenetik ostiralera: uztailaren 3tik 12ra.
- Bigarren hamabostaldia: Astelehenetik ostiralera: uztailaren 15etik 24ra.
- Haurrentzako tailerra (6 eta 12 urte bitartekoentzat)
Ordua: 10:00etatik 12:00etara
Edukiak: Udako tailer horiek ikuspegi ludikotik pentsatu dira, eta, beraz, gozatzeko dira. Helburua sormena sustatzea eta adierazpide plastikoak praktikatzea da.
- Marrazketa, pintura eta sormena (11 urtetik aurrera)
Ordua: 10:00etatik 12:00etara
Edukiak: Marrazketan eta pinturan hasteko edo sakontzeko eskolak. Helburua sormena sustatzea eta adierazpide plastikoak praktikatzea da.
- Aire zabaleko pintura tailerra (11 urtetik aurrera)
Orduak: astelehenetik ostegunera, 18:00etatik 20:00etara.
Edukiak: Udako tailerraren asmoa da Bidasoko inguruneko paisaia ezagutzea.
Udalaren zeramika tailerra
Bestalde, Irungo Udalaren zeramika tailerrak ikastaro bat eskaintzen du uda honetan, 5 eta 16 urte artekoei zuzendua. Aurreneko bi asteetan haurrek buztina modelatzen ikasiko dute, atximur eginez eta txurroak edo plakak osatuz. Ondoren, elementu horiekin egunerokoan erabiltzeko piezak osatuko dituzte, hala nola katiluak, kikarak, platerak, erretiluak edo nahierako figuratxoak.
Azken bi asteetan sortutako piezak apainduko dituzte, engobea eta zeramika eta kautxuzko zigiluak erabilita.
Informazioa: HAZen, Kultura arloan, zeramika@irun.org emailean edo 617 479 021 telefonoan.
Izena emateko: maiatzaren 24tik ekainaren 7ra bitarte Udalaren webgunean.
Prezioa: 125 €
Egutegia: uztailaren 3tik 30era. astelehenetik ostegunera, 10:00etatik 12:00etara.
