112 akta esku-hartze bakarrean ireki ziren otsailaren 14ean neurriak errespetatzen ez zituen taberna batean
Covid-19ri aurre egiteko osasun-agintariek emandako osasun- eta segurtasun-neurriak betearaztea da Udaltzaingoak gaur egun betetzen duen zereginetako bat. Horretarako, udaltzainek kaleak, plazak eta parkeak zeharkatzen dituzte, eta herritarrei araudia gogorarazten diete, neurri horiek betetzen direla kontrolatzeko, botiloiak saihesteko eta, hala badagokio, dagokion tokian zehapen-proposamen bat jartzeko.
Hala, azken astean, otsailaren 8tik 14ra, udaltzainek hainbat jarduketa egin dituzte Irunen, neurriak betetzen direla zaintzeko; horien artean, 218 salaketa, Osasuneko sailburuaren indarreko aginduak urratzeagatik.
Zehazki, 133 akta ireki dira, zirkulazio-askatasunari, ordutegiei eta baimendutako gehieneko taldeei buruzko muga ez errespetatzeagatik; 56 akta, pertsonen arteko 1,5 metroko distantziari buruzko araudia ez betetzeagatik; beste 9, maskara erabiltzeko araudia ez betetzeagatik; 3, espazio publikoetan erretzeagatik, distantziarik mantendu gabe; 1, ostalaritzako eta jatetxeetako ordutegien araudia hausteagatik; eta 15 akta, bide publikoan alkohola kontsumitzeagatik.
Datu hori aurreko asteek utzitako balantzearekin alderatuta askoz ere handiagoa da. Izan ere, jarduketen guztizkoaren erdia baino gehiago, 112 akta, Udaltzaingoaren esku-hartze bakarrean ireki ziren joan den igandean, hilak 14, ezarritako neurriak betetzen ez ziren hiriko taberna batean. Udaltzaingoek taberna hustu zuten barruan zeuden pertsonek neurri ugari errespetatzen ez zituztela ikusita. Zehazki, orokorrean, ez zuten maskarak behar bezala erabiltzen, ez zituzten distantziak gordetzen eta gehienez ere 4 pertsona biltzeko araua urratzen zuten.
Aldi berean, eta gaur egungo egoerarekin lotuta (taberna eta jatetxeetako murrizketak, gaueko mugikortasunaren murrizketak, etab.), udaltzainek etxeetan ikuskatzeak egiten ari dituzte herritarren eragozpen abisuak jaso ondoren. Zentzu horretan, udaltzaingoak salaketa-akta bat ireki du aste honetan, kasu horretan, gehienez ere 4 lagunen bileren araua ez delako bete, bizikide kopurua baino askoz ere handiagoa den etxebizitza batera joateagatik.
Irungo Udalak berriro azpimarratu nahi du ezarritako neurriak betetzen jarraitzeko deia. Funtsezko gakoen artean, maskara derrigorrezkoa da uneoro, esku-higiene egokia oinarrizkoa da eta pertsonen arteko distantziak kontrolatu behar dira eta ezarritako edukierak errespetatu, kontzentrazio handiak saihesteko. Era berean, pandemiaren ondorioei aurre egiteko arauak errespetatzearen garrantzia gogorarazten da, edukierei eta etxeetako topaketei dagokienez, eta botiloiak egiteko debekua.
