Irungo Udalak, hiriko auzo elkarteekin lankidetzan, Auzoetako Kultur Agendaren saio berri bat antolatu du maiatzaren 8tik 10era bitartean Elitxu eta Anzaran auzoetan. Ekimen hau 2026ko Aurrekontu Parte-hartzaileen prozesuko proiektu finalistetako bat izan zen, eta haren helburu nagusia kultur eskaintza hiriko auzo guztietara zabaltzea da.
Elitxun musikaren erritmoan dantzan
Asteburuko egitaraua Elitxu auzoan zentratuko da batez ere. Maiatzaren 9an, larunbata 17:00etatik aurrera, musika jaialdi handia egingo da Pio XII plazan. Bertan, Ametsa Txiki abesbatzak, Eraiki Dantza Taldeko txikiek eta Jeiki-Hadi musika taldeak (muxikoak eskainiz) parte hartuko dute, eta eguna amaitzeko DJ saio bat egongo da.
Maiatzak 10, igandean, 10:30ean, Lapitze auzoko mugetatik martxa abiatuko da Pio XII plazatik. Ibilaldia amaitzean, parte-hartzaile guztientzat salda egongo da eta Auntxa trikitilari taldeak girotuko du ekitaldia.
Anzaranen Barreterapia
Anzaran auzoan berriz, Anzaran auzo elkarteak antolaturik, Barreterapia tailerra egingo da, Ana Eguiazabalen eskutik, maiatzaren 8an, ostiralean. Arratsaldeko 18:30ean hasiko da saioa auzo elkarteak Hendaia kalean dituen lokal sozialetan. Publiko guztientzako tailerra izango da eta sarrera librea izango da, aretoaren edukiera bete arte.
