Irungo Udaleko Gizarte Ongizateko Arloak jakinarazi du artea nagusi izango dela irailerako adinekoentzako dinamizazio zerbitzuaren bidez antolatutako ekintzetan. Irunen erroldatutako 60 urtetik gorako adinekoen aisialdirako jarduerez betea datorren programaz gozatu ahalko dute. Jarduerak dohainik izango dira, eta tokia bete arte sartu ahal izango da.
Irailean jarduera askotarikoak eskainiko dira, besteak beste, “Txarangen Eguneko” irteera bat, lineako dantza-saio batzuk, gimnasia aire zabalean, sormenezko bi pintura-saio eta Anakako abesbatzaren emanaldi bat.
Oraingo honetan, programak, neurri handi batean, artea izango du ardatz, eta zazpi sortze-saio egingo dira adinekoen espazioetan. Sortze-tailer hauek “Maitatzearen artea” proiektu artistikoaren barruan daude: giza harremanen eta lotura afektiboen garrantziari buruzko hausnarketa bat.
Horrez gain, 60 urtetik gorakoek zinemaz gozatzeko aukera ere izango dute; izan ere, film hauek eskainiko dira: “Las brujas de Zugarramurdi” (2013), espainiar beldurrezko komedia bat; “El cuarto pasajero” (2022), Alex de la Iglesiak zuzendu eta Blanca Suarez protagonista duen komedia bat; “El buen patrón” (2021), Javier Bardem protagonista duen komedia dramatikoa; edo Oscar sari bat irabazia duen “Las horas” (2002) filma.
Honekin batera doa udalaren adinekoen espazio sozialak dinamizatzeko zerbitzuaren iraileko jarduera berezien programa, jarduera guztiak zehaztuta:
- Irailaren 6an, ostiralean:
- San Miguel: 17:00etan“La Brigada de la Cocina” filma.
- Palmera Montero: 17:30ean lerro-dantza.
- Belaskoenea: 17:30ean jarduera fisikoa kalean.
- Irailaren 7an, larunbatean:
- Luis Mariano: 16:00etan “Las horas” filma.
- Irailaren 9an, astelehenean:
- Belaskoenea: 17:30ean Sormen margoketa.
- Irailaren 10ean, asteartean:
- Behobia: 17:00etan: Sormen tailerra “Maitatzeko artea”.
- Irailaren 12an, ostegunean:
- Palmera-Montero: 17:00etan: Sormen tailerra “Maitatzeko artea”.
- Irailaren 13an, ostiralean:
- Palmera-Montero: 17:30ean “Lerro-dantza”.
- Irailaren 14an, larunbatean:
- Luis Mariano: 16:00etan “El buen patrón” pelikula.
- Behobia: 16:00etan Txarangen Egunera irteera.
- Anaka-Puiana: 17:30ean: “Amor de madre” pelikula.
- Irailaren 16an, astelehenean:
- Belaskoenea: 17:30ean: Sormen tailerra “Maitatzeko artea”.
- Irailaren 17an, asteartean:
- Lekaenea: 17:30ean Sormen marrazketa.
- Luis Mariano: 16:30ean: Sormen tailerra “Maitatzeko artea”.
- Irailaren 18an, asteazkenean:
- Iraso: 17:00etan: Bingo musikatua.
- Anaka-Puiana: 18:00etan: Sormen tailerra “Maitatzeko artea”.
- Irailaren 20an, ostiralean:
- Iraso: 16:00etan Sormen tailerra “Maitatzeko artea”.
- San Miguel: 17:00etan: Sormen tailerra “Maitatzeko artea”.
- Irailaren 21ean, larunbatean:
- Luis Mariano: 16:00etan “El cuarto pasajero” pelikula.
- Behobia: 17:00etan: Lerro-dantza.
- Irailaren 25ean, asteazkenean:
- Belaskoenea, 17:30ean “Lista de los deseos” pelikula.
- Irailaren 27an, ostiralean:
- San Miguel: 18:00etan Anakako koruaren emanaldia.
- Irailaren 28an, larunbatean:
- San Migel auzoko jaiak: 10:30ean boloen jolasa eta 12:00etan etxean egindako postreen lehiaketa.
- Luis Mariano: 16:00etan “Las Brujas de Zugarramurdi” filma.
- Behobia: 17:00etan “El Cuatro Pasajero” filma.
Adinekoentzako espazioak
Ohikoa denez, programazio berezia aparte utzita, Irungo Udalaren adinekoentzako espazio bakoitzean, kultur arloko eta aisialdiko jarduerak egingo dira 60 urtetik gorakoentzat. Espazio sozial bakoitzaren egoitzan kontsultatu daiteke jarduerei buruzko informazioa:
Luis Mariano zentro soziala
Helbidea: Luis Mariano 1
Telefono zk.: 943 505 388
Iraso zentro soziala
Helbidea: Ama Birjina Mirarietakoa z.g.
Telefono zk.: 943 505 644
Lekaeneko espazio soziala
Helbidea: Lekaenea 5
Telefono zk.: 943 111 521
San Migeleko adinekoentzako lokala
Helbidea: Javier Esteban Indart 5
Telefono zk.: 943 243 678
Belaskoeneko adinekoentzako lokala
Helbidea: Olagizon 32
Telefono zk.: 943 506 382
Palmera-Monteroko adinekoentzako lokala
Helbidea: Leandro Agirretxe 1 (1. aretoa)
Telefono zk.: 943 506 707
Behobiako adinekoentzako lokala
Helbidea: M. Juncal Labandibar 34
Telefono zk.: 943 630 412
Anaka-Puianako adinekoentzako lokala
Helbidea: Aristegui Enbaxadorea plaza, behea
Telefono zk.: 943 573 551
