Azoka bere osotasunean itzuliko da larunbat honetan Urdanibia plazara

Irungo Udalak jakinarazi duenez, maiatzaren 30ean, larunbata, Urdanibia plazako azoka txikiak bere ohiko irudia berreskuratuko du bere saltoki guztiekin. Aurreko asteekin alderatuta, berritasuna ehunezko produktuen handizkariak bertan izango direla da. Horiek tokiko ekoizleekin eta elikadura-saltzaileekin bat egingo dute, azken horiek aste hauetan apurka-apurka batu baitira.

Salmenta-postuak 58 izango dira, Urdanibia plazan eta ospitale zaharraren inguruan banatuko direnak; aurreko larunbatetan bezala, tokiko ekoizleak eta handizkako saltzaileak joango dira, herrialdeko produktuei eta elikadurakoei irteera emateko. Ordutegia aurreko asteko berbera izango da: 8:30etik 13:30era. Azoka horretan egongo diren produktuen artean, bezeroek barazkiak, frutak, hazkuntza-landareak eta oinarrizko elikagaiak, arropa eta ehunezko osagarriak erosi ahal izango dituzte.

Udaltzaingoa eta Babes Zibila bertan egongo dira, saltzaileen eta bisitarien segurtasuna bermatzeko neurriekin, eta hidrogela banatuko da. Hiru sarbide-puntu egongo dira, eta sarrera araututa egongo da. Edonola ere, ezarritako arauak betetzeko deia egiten zaie herritarrei, besteak beste, pertsonen arteko urruntzea.

% 95eko hobaria

Azoka txikiari lotuta, eta Irun Aurrera talka-planean zerga-pizgarrien barruan jasota dagoen bezala, ostiral honetan bide publikoaren okupazio-tasari %95eko hobaria emateko proposamena bozkatuko da Osoko Bilkuran. Neurria Alarmako Egoeraren adierazpenaren aurrean itxierak eragin txikia izan duten jarduerak babesteko aurreikusitako ekintzen artean dago kokatua, azoka txikiaren finkatzaileen kasuan bezala.

 

Utzi erantzuna

Zure e-posta helbidea ez da argitaratuko. Beharrezko eremuak * markatuta daude