Bizinema Bang Bang-ek zinema saio bikoitza prestatu du apirilaren 17rako. Urteko lehen emanaldirako “Jumanji” eta “El Jovencito Frankestein” pelikulak hautatu dituzte.
Amaia Kultur Zentroan egingo den saioa arratsaldeko 16:30etan hasiko da eta sarrera bikoitzak 5,50euroko prezioa izango du. Sarrerak Irungo Turismo Bulegoan edo sarreren salmentarako udal webgunean lortu daitezke. Pelikulak jatorrizko bertsioan eta gaztelaniazko azpitituluekin emango dira.
