Eurialdi eta haizealdi gogorrek hainbat kalte eragin dituzte Irunen atzo eta gaur artean. Une honetan, zerbitzu publikoak ekaitzak eragindako kalteak konpontzeko eta abisuei erantzuteko lanean ari dira. Babes Zibilak martxan du lantalde bat, eta joan-etorrian kontuz ibiltzeko eskatu dute.
Semaforo eroriak
Colón ibilbidean Zabaltza plazaren parean dagoen zebra bidean eta Gipuzkoa hiribidearen eta Colón ibilbidearen arteko bidegurutzean, semaforoak erori dira, eta kableak agerian geratu dira.
Edukiontziak galtzadan
Haizeak edukiontziak mugiarazi ditu Juan Luis Seisdedos kalean, Juan Vollmer plazako biribilgunean eta Oñaurren.
Zuhaitz eta moto eroriak
Sorozarreta parkearen pareko zirkulazio erreian, zuhaitz bat erori da, baita GI-636 errepidean golf zelaira bidean Txingudi ikastolaren parean eta ONCEren Hondarribia kaleko postuaren ondoan ere. Gainera, denboralea dela-eta, Argentinar Errepublika kalean hiru moto erori dira.
Bestalde, Udaltzaingoak Luis Marianoko ostalaritza establezimendu bateko toldoarekin eta etxebizitzetako pertsiana eta esekitokiekin lotutako zenbait abisuri erantzun die.
