Irun Hiria Musika bandak kontzertua eskainiko du datorren igandean, abuztuak 8, Junkaleko Plazoletako agertokian arratsaldeko 20.00etan.
Pandemiaren ondorioak direla eta, jarduerarik gabeko aldi luze baten ondoren, Musika Bandak aire zabaleko kontzertu honekin ekingo dio bere jarduerari. Ondoren, Junkaleko Ama Birjinaren ohiko kontzertua izango da, irailaren 7an, espazio horretan bertan, eta Amaia KZko auditorioan, irailaren 26an.
