Irugurutzeta, Guadalupeko gotorlekua edo Oiasso Museoa bezalako tokietara bisita gidatuen eskaintza anitza
Irun eta Hondarribiko Udalak, Bidasoa biziriken bitartez, turismoa sustatzeko hainbat ekintza eta jarduera antolatzen ari dira datozen hilabeteei begira.
“Dagoeneko 2022an, inflexio-urtea oraindik, turismo-datuak positiboak izan ziren goi-denboraldi gehienetan, eta pandemia aurreko garai jakin batzuetan lortutako emaitzak ere gainditu dituzte noizbait. Horregatik, orain, normaltasuna berreskuratu dugunez, gure eskualdeak eskaintzen duen guztia ezagutzera ematearen aldeko apustua egiten jarraitu nahi dugu, turismoaren goranzko joerari eusteko”, adierazi du Miguel Angel Paez Bidasoa bizirikeko presidenteak.
Aurreikuspen onak Aste Santuari begira
Aipatzekoa da, azkenik, Irun eta Hondarribiko hotel-establezimenduek Aste Santu ona izatea espero dutela.
“Urteko sasoi hau azken orduko erreserba-aldia izaten da. Turistak azken unera arte daude zain. Hotela ez daukagu % 100eko okupazioan, baina aurreikuspenen arabera, batez ere ostiral eta larunbateko gauak beteko ditugu”, Irungo Atalaia hoteleko María Candela Fernández de Valderramak azaldu duenez.
Hondarribiko Jauregui Hoteleko Lorena Sanchezek azpimarratu duenez, “gaur egun, ditugun erreserbekin, % 69ko okupazioa dugu Aste Santuko egunetarako, 6tik 10era. Baina urte sasoi honetan beti izaten diren azken orduko erreserben zain gaude”.
Promozioak Interneten
Eskualdean turismoa bultzatzeko helburuarekin, urtea amaitu arte hainbat kanpaina eta ekintza egingo dira Interneten. Ekintza horien helburua bi hiriek Frantziako hegoaldean eta Espainiako hainbat eremutan dituzten baliabideak ezagutaraztea izango da.
“Gaur egun, Internet turismo-helmugak sustatzeko erakusleiho onenetako bat da, eta potentzial hori aprobetxatu behar dugu pertsonengana iristeko, ziur asko beste modu batzuetan iristea oso zaila izango litzatekeelako. Horregatik egingo dira, adibidez, sare sozialetako publizitate-kanpainak, Instagramen kanpainak Frantziako inguruko blog eragingarriekin, eta banner eta artikulu espezializatuak kaleratuko dira Frantziako zein Espainiako atarietan”, Maria Serrano Bidasoa Activako lehendakariordeak azaldu duenez.
Puntu honetan, azkenik, nabarmendu behar da eskualde-mailan lanean jarraitzen dugula turismo adimendunaren helmuga izan dadin.
Irugurutzetara eta Guadalupeko gotorlekura bisita gidatuak
Besteak beste, Aste Santuko egunetan bisita gidatuak egin daitezke:
Irun
- Irugurutzetako Labeak eta Meategia. Apirilaren 8an eta 15ean.
- Bisita gidatua: Plaiaundi Parke Ekologikora. Apirilaren 8an.
- “Txingudi Ekoetxea” Joko auto-gidatua. Apirilaren 9an
- Oiasso Museora bisita gidatua. Publiko guztiarentzat. Irungo erromatarren garaia ezagutuko da, komentatutako bisita baten bidez. Apirilak 6 eta 7
- Bisita Santa Elena nekropolira. Publiko guztiarentzat. Santa Elena ermitak Oiassoko nekropoliko aztarnategi arkeologikoa gordetzen du barruan. Apirilak 6 eta 7
* Bisitariek Oiasso Museoko eta Santa Elena ermitako bisita gidatuak prezio murriztuarekin konbina ditzakete.
- Tour Irun Erromatarra eta Santa Elena Nekropolia, apirilak 9 eta 16.
Hondarribia
- Bisita gidatua “Guadalupeko gotorlekuko leku debekatuetara”
- Gerra eta Fede bidezidorrak. Apirilak 6tik 8ra
- Funtsezko Hondarribia. Apirilaren 6tik 9ra
- Sentitu Hondarribia. Apirilaren 6tik 9ra
- Tren berde hiria. Apirilaren 6tik 10era: 11:00, 12:00, 13:00, 17:00 eta 18:00.
Jarduera horiei eta beste batzuei buruzko informazioa Irun eta Hondarribiko Turismo bulegoetan eskura dezakezu.
