Dunboako auzo elkarteak Udaberriko Haur Festa antolatu du urtero moduan. Maiatzaren 16tik 19ra haurrentzako hainbat ekintza egingo dira auzoan. Ekintzak auzo elkartearen egoitzan eta elkartearen aurreko plazan egingo dira.
Maiatzaren 16an eta 17an, ostegunean eta ostiralean, arratsaldeko 17:00etatik aurrera mahai-jokoak eta merienda antolatu dituzte.
Maiatzaren 18an, larunbatean, berriz, hainbat ekintza egingo dira auzoan. Goizeko 11:30ean pintura lehiaketa egingo da eta oinarriak auzo elkartearen atean kontsultatu daitezke. 13.00etan pintura lehiaketako sari banaketa egingo da.
Arratsaldean 16:30etik aurrera Gako taldearen eskutik herri jolasak egingo dira. 16:30etik aurrera ere gaztetu puzgarria izango dira plazan. 17:00etan 2 eta 3 urte arteko haurrek plastikozko moto lasterketan parte hartzeko aukera izango dute, partaide bakoitzak bere motoa eraman beharko duelarik. 18:45ean merienda banatuko da eta 19:00etan apar festa egingo da.
Azkenik, maiatzaren 19an, igandean, Eriz magoak bere emanaldia eskainiko du.
