Larunbat honetan, irailaren 14an, Dunboa auzoko bizilagunek bakarrizketa musikal batez gozatu ahal izango dute. Irungo Udaleko Kultura Arloak antolatuta, Jorge País eta Mario Simancas artistek emanaldia eskainiko dute. 19:30etan hasiko da Dunboako Auzo Elkartean eta 20:30ak arte luzatuko dela aurreikusten da. Sarrera doakoa eta librea izango da, lekua bete arte.
Kultura hiriko auzoetan
Auzoetako kultura-agenda, 2023ko aurrekontu partehartzaileetako proiektu finalistetako bat da. Udalaren eta hiriko hainbat auzo elkarteren arteko elkarlanaren ondorioz sortu da, hiriko auzoetara kultur-eskaintza zabaltzeko asmoz.
