Haurtxokoek etxetik familian egiteko pintura tailerra antolatu dute maiatzaren 9rako. Ekintzan parte hartu nahi duten familiek maiatzaren 7a baino lehen izen-ematea egin beharko dute haurtxokoak@irun.org posta elektronikoaren bitartez. Horrela, udaleko Gazteria arloak “Familia ta Lagun” ekintza alarma-egoerara egokitzeko modua topatu du, teknologia berrien bitartez astero ekintza proposamen berriak aurkezteko.
Haurtxokoetatik proposatutako azken ekimena “Etxeko kideak margotu ditzagun” tailerra da, maiatzaren 9ko goizeko 11:00etatik 13:00etara online egingo den tailerra. Tailerrak erretratuen gaia izango du ardatz eta Juncal Alfonsok gidatutako ikastaroan etxeko txikiek oinarrizko marrazketa teknikak ezagutu ahalko dituzte: buruko neurrien ardatz ezberdinak, begi forma ezberdinak, …).
Tailerrean maiatzaren 7ra arte izena eman ahalko dute interesatuek. Izen-ematea egiteko haurtxokoak@irun.org. helbide elektronikora posta bat bidali beharko da soilik. Ekintzan izena ematen dute pertsonekin harremanetan jarriko dira antolatzaileak tailerraren egunaren aurretik, tailerraren funtzionamendua antolatu ahal izateko.
