Maiatzaren 28a, igandea, izango da Via Irun erakusketa bisitatzeko azken eguna. Urtarrilean zabaldu zituen ateak «Via Irun» proiektuaren lehen faseari buruzko erakusketak. Proiektu horren xedea da Irungo trenbide ingurua berritzea, urrian eremu horren plan orokorrari hasierako onespena ematen zaion arte (76.000 m2 inguru). Erakusketa Txanaleta plazako «kristalezko eraikina» delakoan dago, eta dagoeneko 1.569 pertsona pasatu dira bertatik.
Maiatzaren 28ra arte, ordutegi hau izango du erakusketak: asteartetik ostiralera 17:00etatik 19:00etara eta larunbat eta igandeetan 11:00etatik 13:00etara.
Erakusketaren ibilbidea
Hasteko, hall handia dago. Hor, lerro kronologiko interaktibo baten bidez, hiriko trenbide inguruaren historia ezagutuko dute bisitariek, baita 2011tik izan duen bilakaera ere. Jarraian, informazio-aretora sartuko gara. Bertan, informazio-panelen bidez, antolamenduaren datu esanguratsuenak azalduko dira, bai eta aurrerapen-dokumentuan definitutako helburuak ere.
Jarraian, bisitariak areto interaktibora iritsiko dira. Teknologia berritzailez hornitua dago, hala nola 3D-ko mapa interaktibo batez, zeinak onetsitako planaren datu teknikoak ematen dituen. Gainera, begiraleku bat ere badago. Hor, antolamenduaren eremuaren parean dauden leihoen kokalekua aprobetxatuta, egungo eta etorkizuneko eraikinak erakusten dira.
Via Irun, etorkizuneko bidea
Via Irun 2011n jarri zen martxan, hainbat erakundek protokolo bat sinatuta, eta aurten hasiko dira lehen lanak, zehazki, nazioarteko geltoki berriarenak, ADIFen eskutik. Aurrekontua ia 65 milioi eurokoa izango da eta, horrela, Irungo historiako inbertsio publikorik handiena izango da, eta bultzada handia emango dio Via Irun proiektuari. Horri esker, garapen sozial eta ekonomikorako bidea zabaltzen jarraituko dugu, hiriaren etorkizuna markatzeko.
Aipatzekoa da erakusketan bisitarien iritziak eta iradokizunak jasotzeko puntu bat dagoela.
