Asteburu honetan Pontevedran Espainiako Maratoi Kopa eta Maratoi Laburreko Espainiako Txapelketa jokatu dira. Santiagotarrak klubeko palistak Galiziara joan ziren emaitza onenen bila. Maratoi Laburreko txapelketak zazpigarren postua lortu dute kluben sailkapenean, maratoi luzean, berriz, hamabosgarrena. Gainera, Malen Juaristik Kroazian Munduko Maratoiko Txapelketan lehiatzeko postua lortu du eta K2 modalitatean lehiatuko da Laura Figaredo asturiarrarekin batera.
Ostiralean maratoi motzaren txanda izan zen, non piraguistek 3.000 metro egin behar zituzten hainbat ibilaldi eginez. Nora Arana kadeteak seigarren postua lortu zuen eta Lukas Cabezon kadeteak bederatzigarrena. Gizonezko gazteen kategorian, Alex Arana zortzigarren izan zen, Markel Juaristi hamairugarren eta Jon Cecilia hamabosgarrena. Gizonezkoen 23 urtez azpikoetan, Beñat Arsuaga bosgarren izan zen eta Unai Amostegi hamaikagarren.
Larunbatean kirolariak maratoi luzean lehiatu ziren, non June Arrastua eta Eider Cecilia kadeteek urrezko domina eskuratu zuten. Lukas Cabezon berriz ere bederatzigarren izan zen kadete mailan, eta Jon Cecilia hamargarren jubenil mailan.
Taldeko ontzietan Alex Aranak eta Markel Juaristik osatutako K2a laugarren izan zen eta Nahuel Sanchez eta Aimar Mirandarena zazpigarren.
Emaitza handi horiekin eta Malen Munduko Txapelketarako sailkatu izanarekin borobiltzen dute denboraldia Santiagotarrak-Urbycolan taldeko piraguistek, non urte osoan zehar landutako guztia erakutsi duten. Malenen hitzordu nagusia Metkovicen izango da, Kroazian, urriaren 19tik 22ra. Beraz, denboraldia apur bat luzatu zaio oraindik.
