Kirol arloak jakinarazi du otsailaren 3an (osteguna) hasiko dela Irundarron Saria aukeratzeko botoa emateko epea. Sari hori ere otsailaren 14an emango da Ficoban, Kirolaren Galan. Bozketa udalaren webgunean egingo da (Irun Txartela), azken
denboraldiko 17 izen nabarmenen artean (kirolaria edo kluba). Otsailaren 10an itxiko da bozkatzeko epea.
Kirolari izendatuak
1. Naroa García (borroka): urrezko domina Espainiako Grappling Txapelketan
2. Bidasoa Irun (eskubaloia): Asobal Ligako txapeldunordea
3. Aritz Larrarte-Gorka Pablos (trinketea): Espainiako txapeldunordeak.
4. Julen Aginagalde (eskubaloia): brontzezko domina Olinpiar Jokoetan eta Asobal Ligako txapeldunordea
5. Teresa Errandonea (atletismoa): Olinpiar Jokoetan parte hartzea eta Espainiako txapelduna 100m
6. Ander Elosegi (ur biziak): diploma Olinpiar Jokoetan
7. Maitane Herrero (Judo): judoko Espainiako txapeldunorde absolutua (-63kg).
8. Haimar Etxeberria (txirrindularitza): Junior mailako txirrindularitza egutegiko garaipenak eta Espainiako selekzioarekin parte hartzea munduko eta Europako txapelketetan
9. Jaouad Karbal (borroka): urrezko domina Espainiako Grappling Txapelketan.
10. Maialen Ramos (Judo): brontzea Espainiako Judo Txapelketa absolutua (-70Kg)
11. Dario Cerezal (kulturismoa): Espainiako txapelduna kulturismo naturalean
12. Irati Beorlegi (Obstakulu Lasterketa): OCR Espainiako txapelduna
13. Asier Landart (Obstakulu Lasterketa): OCR Espainiako txapelduna
14. Jaizubia Klub Hipikoa (hipika):
15. José Gómez de Arriba (atletismoa): Gipuzkoako Maratoi txapelduna
16. Klara Olazabal (ur biziak): dominak Europan eta Munduko Txapelketan.
17. Santiagotarrak (piraguismoa): klubaren errekorra nazioarteko lehiaketetan eta 30 domina Espainiako banku mugikorreko txapelketan.
Ekitaldian, gizonezko eta emakumezkoen arteko kirolari onenaren eta klub onenaren sariak banatuko dira. Gainera, aukera baliatuko dugu aurreko denboraldian beren ibilaldia itxi zuten bi kirolari omentzeko ere: Adrián Crowley eta Kako Aranburu. Aintzatespenak ez dira, ordea, hor amaituko: beste sari bat ere emango baita, ohorezkoa, ekitaldian bertan jakinaraziko den ibilbide luze bat omentzeko. Kirolarekin lotutako musika-emanaldi txiki bat ere izango dugu.
